Ný bók eftir Pál Skúlason er komin út, Pælingar III. Bókina hafði hann nýlokið við að búa til prentunar er hann lést 22. apríl 2015. Í formála bókarinnar segir Páll: „Ein helsta lífsnautn mín er að eiga í góðum samræðum, deila frjóum hugmyndum og kenningum um spennandi efni, lesa áhugaverða grein eða hlusta á góðan fyrirlestur. Viðleitni mín snýst því um að semja erindi sem fólki finnst vonandi skemmtilegt og fræðandi að lesa.“ Greinarnar sem hér birtast falla í eftirfarandi þrjá flokka: Stjórnmál og samfélag - tilfinningar og trú - siðfræði og menntun. Í þeim fjallar Páll meðal annars um stöðu fjölmiðla, um framtíðarríkið, um trúna, um ellina, um siðareglur og um tilgang náms. Bókin á því erindi til þeirra sem vilja yfirvega málefni samtímans með aðstoð heimspekinnar.
