Hvert er gildi menntunar? Hver er kjarni háskólastarfs? Hvað eiga þau, sem lokið hafa háskólanámi, sameiginlegt? Í rektorstíð sinni á árunum 1997-2005 flutti Páll Skúlason 24 brautskráningarræður og brautskráði 9000 kandídata frá Háskóla Íslands. Í ræðum sínum, sem birtast allar í þessari bók, fjallar Páll um ofangreind efni og tekst auk þess á við fjölmargar spurningar sem blasa við hinum nýútskrifuðu kandídötum og gefur þeim heilræði fyrir framtíðina.
Páll Skúlason (f. 1945) er prófessor í heimspeki við Háskóla Íslands. Hann lauk doktorsprófi frá Kaþólska háskólanum í Louvain árið 1973. Páll var rektor Háskóla Íslands 1997–2005.
